انزيمات الكبد بصورة بسيطة

الجزء التاني من الفحص الشامل و هو انزيمات الكبد Ast,Alt
هناك سؤال مهم الا وهو هل انزيمات الكبد التي سبق ذكرها الاهم و يمكن الاكتفاء بهما  في الاطمئنان علي صحه الكبد ؟

الاجابة بالتأكيد لا 
الكبد يعتبر عضو مهم جدا في جسم الانسان و هو اكبر عضو في جسم الانسان و يعتبر له الدور الاساسي للجسم ويمكن الاطمئنان عليه من خلال تحاليل عديده وهي:

Liver enzymes:

• S.Gpt
• S.Got
• Alkaline phosphatase
• Gamma GT

another Liver functions:

• Albumin
• Total protein
• Bilirubin(total,direct & indirect)
• Prothrombin time & conc.
• A/G Ratio

وسوف نتحدث علي كل تحليل علي حدى  بشكل مفصل في مقال اخر ولكن الان سوف نتحدث عن ما هي  التحاليل التي يستطيع الانسان العادي ان يطمئن  علي نفسه من خلالها كفحص بسيط علي العضو و اشهرهم هو الانزيمين ( AST& ALT  )

الطبيب بشكل عام يطلب من المريض كفحص اولي هذان الانزيمان حتي يطمئن علي سلامة خلايا الكبد نفسها لان الطبيعي يكون الانزيمين  داخل خلية الكبد ولها معدل طبيعي و محدد و في حاله زادت عن معدلها الطبيعي اي وجودها بشكل مرتفع في الدم و بالتالي هو دليل علي خروجها من خلية الكبد و بداية حدوث خلل..

ما هي الاسباب التي تجعل نسبة تلك الانزيمات(GPT,GOT) مرتفعة  في الدم؟؟

 خلية الكبد حدث لها كسر فاصبحت تسرب الانزيمات من داخلها لمجري الدم او حدث اصابة بفيروسات كبدية و في حالة الاورام و تليف الكبد.

طيب هل الزيادة الكبيره في نسبتها تجعلنا نقلق من الاصابة بأمر صعيب ( كتليف الكبد مثلا  )؟ 
لا ليس معني اني اذا قمت بعمل هذا التحليل و وجدت نسبتة مرتفعة فيدل هذا علي مرض خطير او فيرس لا قدر الله او تليف لكن نبدأ في اجراء تحاليل اخري معه و حتي يستطيع الطبيب ان يري الصورة  بشكل كامل ولا ننسي ان تلك التحاليل كفحص مبدأى.

 النسبة الطبيعية لهذان الانزيمان يجب ان  لا تتعدي ال50 وحدة دوليةو في حاله الزيادة المرتفعة بشكل مبالغ فيه (مثلاا صارت النسبة  ل 900 او 1000 فيما فوق فهذا دليل مؤكد علي وجود  ((( Virus A

طيب ايه مشكلة الفيرس دا ؟ هو بيجي للمريض من عدوي لشخص مريض وهو ليس خطير و يتم علاجه بسهولة من خلال الطبيب المختص من خلال الدواء المناسب مع فتره راحه للمريض علي الاقل اسبوعين ولا يتعرض فيهم لاشعه الشمس

طيب انا ممكن تجيلي العدوي ازاي ؟

مياه الري الملوثة فبتلوث ساعتها  الخضراوات و الفاكهة وفي نفس الوقت  متغسلتش كويس قبل الاكل فيحصل الاصابة

حاجة تانية انك تستخدم ادوات الشخص المريض نفسه بشكل مباشر زي الكوباية بتاعته او مثلاا حبيت تشرب عصير قصب في معصرة وغالبا صاحب المعصرة مبيغسلش الكوبايات كويس فممكن تتشرب في كوباية مريض مصاب و شرب في نفس الكوباية فتقوم انت ايه ؟ تلبس ودا حصل فعليا مع شخص معرفة فممكن نتجنب دا بسهولة

 طيب ليه اعراض ؟؟ اكيد اهم حاجه في اعراضه هو شحوب الوجه مع التعب و اصفرار العين بتحس ان بياض العين مائل للصفره دا غير بيتغير لون البول و البراز عن الطبيعي  فاول حاجه تعملها لو لقيت الاعراض دي عليك او لاحد من افراد اسرتك فتتجه فورا  للطبيب المختص

طيب ايه فيروسات اللي موجودة تاني

Virus B

بيتنقل لما تتعامل مع دم المريض مثلا بتعطيله حقنه و شكيت نفسك بالغلط وطبعا دي كارثه لان للاسف الفيرس دا مفهوش تهاون او العلاقات الغير شرعية وممكن الام الحامل تنقله لجنينها وقت الولاده او زراعه الاعضاء من شخص مصاب وانك تروح لدكتور اسنان مبيعقمش ادواته كويس فللاسف تصيب بالمرض
للوقاية حاجة مهمه جداا انك تاخذ التطعيم الخاص بفيرس بي

هو عبارة عن 3 جرعات بتاخدها و تحصن نفسك نهائيا

Virus C

 الحمد لله اننا في 2019 لان بجد كمية الناس اللي كانت بتموت بسبب الفيرس دا عدد غير طبيعي وللاسف كان بيتم اكتشافه في وقت متاخر و يتوفي المريض بس دلوقتي الوضع اختلف لان بقي في علاج وناس كتير اكتشفت المرض في وقت مناسب و اتعالجت و بقت كويسه و زيها زي الانسان الطبيعي بس اهم حاجه ان الانسان يكتشفه في الوقت المناسب واهم حاجه الوقت لان للاسف لو الشخص المريض عنده الفيرس من فترة زمنية كبيره و اهمله بيتطور الفيرس في الجسم و يبدأ يأكل في الكبد حتي يهلكه عشان كدا بننصح الناس انها تطمن علي نفسها مرة كل سنة علي الاقل ..

صورة بسيطة لشكل الكبد السليم و المصاب 

  

ما هي  طرق نقله من الشخص المصاب الي الشخص السليم ؟

نفس طرق فيرس (ب) الدم و استخدام ادوات المريض من بداية قصافة الاظافر و مشط الشعر. 

ملحوظة مهمة جداااا 

ممكن حد يعمل التحاليل و يلاقي الانزيمات عالية شوية دا مش معناه انه عنده فيرس لا ممكن الانسان لديه دهون تراكمت علي الكبد فخلت الانزيمات تعلي في الدم اللي هيوضح الصورة ساعتها للطبيب المعالج هو باقي التحاليل اللي هيطلبها الدكتور من المريض

ازاي نحصن نفسنا علي قد ما نقدر؟؟؟اول حاجة نطعم من فيرس بي و بلاش الاكل الجاهز (الاكل من بره) لانك انتمتعرفش المحلات دي مثلا طبق السلطة اللي بتكله ببساطة الخضراوات اللي فيها مغسولة ولا لا او حتي محل الفول و الطعمية ايه ضمانك ان الخضرة اللي موجوده في السندوتش مغسولة كويس
معني مغسولة كويس ان الخضرة توضع ف محلول ملح بمعني يوضع الخضرة في طبق به مياه بملح و يترك فتره و يتغسل كويس قبل الاكل ودي ابسط طريقة لغسيل الخضار قولي بقي مين المطعم اللي ممكن يعمل كدا فرجاء علي قد ما تقدر بلاش اكل بره هتكون ساعتها حميت نفسك و اسرتك 

شروط اللي الواحد لازم يعرفها عند قيامه بالتحليل؟؟

التحليل دا ملهوش شروط بس يفضل عموما قبل أي تحليل متتناولش اكل دسم علي الأقل متاكلش قبلها ب 4 ساعات  

وبكده خلصنا الجزء التاني من الفحص الشامل 

وكنا قبلها بنتكلم عن صوره الدم الكاملة و اية التحاليل اللي بنعملها عشان نطمن علي نفسنا  واللي حابب يعرف عن الجزء الأول اللينك بالاسفل    ↪

 https://a3rft7lelk.blogspot.com/2019/08/1.html